"Uuwi na muna tayo, apo. Babalik na lang tayo mamaya para dito maghapunan kina Concepcion."
Napatayo ako mula sa tumba-tumba na kinauupuan ko, at saka sinalubong si Lola Martha.
"Bakit kailangan pa nating umuwi, Lola? Bakit hindi na lang tayo maghintay dito bago maghapunan?"
Ngumiwi si Lola Martha.
"Nanlalagkit na ako, iha. Mukha na akong haggard. Habang si Concepcion, mukhang fresh na fresh. Papayag ka ba na magmukha akong alalay ni Concepcion?" Umirap pa sa hangin si Lola Martha.
Napakamot ako sa ulo ko.
"No comment na lang, 'La. Tara na po. Mag-freshen up ka na muna," nakangiti kong sagot sa kanya, at saka ako tumayo na para lapitan siya.
"We shall return, Concepcion!" malakas na sabi pa ni Lola Martha, bago kami bumaba ng hagdan.
MAY ngiti sa kanyang mga labi nang bumaba mul
