Kahit ayaw niya ay lumapit pa rin ako sa kaniya at hinaplos ang kaniyang mukha. Halos dampi lang iyon pero binalak niya pa rin na tanggalin ulit ang kamay ko. Ngunit dahil sa katigasan ng ulo ko ay binalewala ko siya at nagpupumilit sa aking kagustuhang mahawakan siya. Iniwas niya ang mukha niya sa akin at ayaw niya akong titigan.
Kinulong ko ang magkabilang niyang pisngi sa aking mga palad at pinagdikit ko ang aming mga noo. Pinantay ko ang aming mga labi at dinampian siya ng magaang halik sa kaniyang mga labi habang patuloy sa pag-iyak. Kinuha ko ang isang kamay niya at dinala iyon sa aking dibdib upang ipabatid sa kaniyang siya lang ang laman ng puso ko.
"Kapag nagkita tayo ulit... siguro sa susunod, sigurado akong wala ka ng kahit ano'ng natitirang nararamdaman para sa akin ng mga
