Kumuha si Li Muen ng isang panyo na may chloroform para patulugin ang isang lalaki. Isa lamang itong normal na panyo sa tingin ng lalaki kaya naman ng ilahad ito ni Li Muen sa harapan ng lalaki ay nag-aalangan man ngunit kinuha niya ito.
“Ilagay mo iyan sa mukha mo. Dapat nakatakip ang iyong ilong at bibig,” sambit ni Li Muen.
Dahil sa takot ay wala na lamang nagawa ang lalaki kundi ilagay ito sa kaniyang ilong at bibig. Nang malanghap naman niya ang droga na nasa panyo ay kaagad namang nanlabo ang kaniyang mga mata. Nanlalabo man ay nagawa pa rin ng lalaki na samaan ng tingin si Li Muen.
“Anong ginawa mo sakin…” nanghihinang sabi ng lalaki at saka siya tuluyan na nawalan ng malay.
Bumuntong hininga na lamang si Li Muen at napailing. Hindi alam ni Li Muen kung matatawa ba siya o hin
