Tahimik akong umiyak habang nakasalampak sahig. Nanghihina ako at walang lakas na tumayo dahil sa pagkakapahiya.
Nilapitan ako ni Almira at tinulungang makatayo. Wala akong imik habang nakayuko lang dahil sa hiyang nararamdaman ko ngayon.
Daig ko pa ang kabit na nahuli ng orihinal na asawa sa ginawa ni Chloe. Pinili ko na lang na huwag manlaban at makipagbuno para hindi na lumaki pa lalo ang gulo.
Naglakad na kami ni Almira paalis ng restaurant.
Ang mga tao ay napapatingin sa amin. May pagtataka sa kanilang mga mukha. Ang iba ay natatawa at ang iba ay hinuhusgahan ako at minamata.
"Lia?" Dinig ko na may tumawag ng pangalan ko pero hindi ko magawang tignan kung sino man siya.
Nagpatuloy kami sa paghakbang ni Almira. Walang nagsalita sa amin. Maging siya ay hindi din pinansin ang
