"Grabe! Ang kapal talaga ng pagmumukha ng babaeng iyon!" nanggagalaiting usal ni Almira. Kung nasa harapan lang siguro niya si Chloe baka nakalbo na niya ngayon din.
Pagkatapos kong ikuwento sa kaniya ang nangyari ay inaaya niya akong bumalik doon. Kailangan daw naming gumanti kay Chloe. Hindi na namin 'yun maaabutan du'n kahit gustuhin ko man. Tiyak na sa mga oras na ito ay nakauwi na iyon dahil sa itsura niya.
Hanggang ngayon ay nanginginig pa ang katawan ko dahil sa samo't saring emosyon na nararamdaman ko. Nanggigigil pa din ako. Gusto ko talaga siyang pagsasapakin, dumating lang kasi sina Jetro at mommy niya.
Huminga ako ng malalim para pakalmahin ang naninikip kong dibdib. Isa din ang mommy ni Jetro na 'yun. Pinunasan ko ang panibagong luha na namalisbis. Sobrang sama ng loob
