Habang nasa biyahe ay panay ang buntong hininga ni ate. Halata ang pagkadismaya niya sa akin dahil sa nangyari. Kung puwede lang akong maglaho ngayon sa sobrang kahihiyan ay ginawa ko na.
"May alam ka ba dito?" masungit niyang tanong kay Kuya Adrian. Hindi ko na matandaan kung pang-ilang tanong na niya ito.
Pilit niyang pinapaamin si Kuya Adrian.
Kakamot-kamot na lang si Kuya Adrian dahil kahit sabihin niyang wala siyang alam ay hindi naman naniniwala si Ate.
Tahimik akong umiyak dito sa backseat. Nahihiya ako kina Ate at Kuya. Pati na din sa nanay ko na malaki ang tiwala sa akin.
"Ate, hindi naman-
Pumalatak siya kaya hindi ko naituloy ang sinasabi ko.
"Please, Ate. Nakikiusap ako sa'yo. Huwag mo na lang sabihin kay Nanay ang nangyari," pakiusap ko.
Umiling si Ate. Seryoso
