“MASAYA ka ba, anak?” tanong ni Ferlyn kay Charlotte habang sinusuklayan ang mahaba nitong buhok.
Bilang sagot ay ngumiti si Charlotte na abot sa mga mata nito. “Sobrang saya ko po, mama. Kasi po, dahil po iyo, naranasan ko po na magkaroon ng ina at mga kapatid. Tapos po ngayon, may papa na rin po ako saka lolo at lola. Napakasuwerte ko po sa inyo,” masaya at galing sa puso na sagot ni Charlotte sa tanong ni Ferlyn. “Kahit po adopted child ako, isa po ako sa napakasuwerteng bata na nabigyan ng pagkakataon na maranasan ang magkaroon po ng isang buong pamilya. Kaya po super thankful din po ako kay God.”
Nangingiting hinaplos ni Ferlyn ang buhok nito. “Deserve mo ang isang buong pamilya, anak. Dahil napakabait mong anak at ate sa mga kapatid mo.”
“Mahal na mahal ko po kayo. Lalo na ang mga
