NAPAKAGANDA ng view mula sa may infinity pool ng beach mansion. Animo magkadikit talaga ang swimming pool at dagat. Lalo na kung nakaupo ka sa may lanai. Kitang-kita ang asul na dagat.
Sa may lanai nakatambay ng mga sandaling iyon si Ferlyn habang abala naman sa pagsu-swimming ang mag-aama niya sa may swimming pool. Nasa mababaw na parte lang sina Gavin at ang mga anak nila. Kasama rin ng mga ito si Daddy Gabriel. Inaaya siya kanina ni Gavin pero ayaw niya dahil tiyak na mabilis siyang giginawin.
“Nakakatuwa silang pagmasdan,” ani Mommy Helen na naupo naman sa karatig ni Ferlyn. Ang mga mata ay tutok sa kinaroroonan nina Gavin. “Thank you, hija.” Bumaling ito sa kaniya at ngumiti. “You are my answered prayer. Nagsasawa ka na ba sa kaka-thank you ko sa iyo?” nangingiti nitong tanong.
Mar
