PAGKAGALING sa Yadoya Hotel, kung saan nagbihis at inayusan sina Gavin, kaniyang dalawang anak na lalaki at mga magulang ay saka naman sila pumunta sa kinaroroonan ng UHB Chapel.
Napaka-formal ng theme para sa event na gaganapin sa araw na iyon. Pero hindi na nag-usisa pa si Gavin.
Kanina pa rin tuwang-tuwa sina Gerold at Gabby sa mga nakikita sa paligid. Wala naman kasing tulak-kabigin ang kagandahan ng UHB Leisure Club kaya hindi niya masisisi kung ma-amaze man ang kaniyang mga anak. Ganoon din ang kaniyang ama’t ina na tuwang-tuwa rin nang makita ang Leisure Club.
Nang huminto sa tapat mismo ng UHB Chapel ang kinasasakyang itim na kotse nina Gavin at ng kaniyang dalawang anak ay nagtaka pa siya sa ayos ng chapel.
Baka naman binonggahan lang nina Ehlae Ken ang ayos maging sa chapel?
