HALOS HINDI makain ni Gavin ang kaniyang pagkain nang makabalik siya sa ihawan.
Dumagdag pa sa isipin niya kung sino ang lalaki na bigla na lamang umeksena at pinaangkas pa sa motor nito si Ferlyn. Tumiim ang labi niya. Lalong hindi niya nakausap si Ferlyn.
“Ang sarap kumain dito,” ani Danna na tumingin pa sa may dagat. “Bukod sa maaliwalas at mahangin, ang ganda rin ng view ng dagat.”
May ngiti sa labi na tumango ang kaniyang ina. “I agree. Right, darling?” baling pa ni Mommy Helen sa asawa nito.
Tumango naman si Daddy Gabriel bilang pagsang-ayon.
“I missed this island so much.”
“Nakakatuwa na hindi ka pihikan, hija,” puri pa ng kaniyang ina kay Danna. “Mapa-city man o province, okay na okay sa iyo.”
“Syempre naman po. Balance lang din.”
“Tita Linda, nasaan na po si mama?”
“Umuwi
