NANG MAGISING si Ferlyn mula sa kaniyang pagkakatulog nang umagang iyon ay para bang nanibago siya dahil hindi niya maramdaman ang presensiya ni Gavin.
Ngunit nang mapatingin sa oras ay saka lang niya naisip na siguradong inaasikaso na ni Gavin ang mga anak nila. Malapit na ring sunduin sa school si Charlotte. Sa bahay kasi nila ito kumakain ng tanghalian.
Nag-inat muna ng mga kamay si Ferlyn bago ipinasya na bumaba na sa kama. Dumiretso rin muna siya sa banyo para maligo na rin at ng mapreskuhan ang kaniyang katawan.
Matapos maligo at makapagbihis ay lumabas na rin siya sa silid nila ni Gavin. Naglalakad siya papunta sa may hagdanan nang makita naman niya si Charlotte. Kalalabas lang nito sa silid na gamit nito. Nakasuot na ito ng pambahay.
“Hi po, mama,” bati pa nito sa kaniya na aga
