MULA sa cell phone ay umangat ang tingin ni Gavin kay Ferlyn na kanina pang nakatitig sa kaniya. Napangiti siya at itinigil ang ginagawang pag-silip sa kaniyang negosyo online. F-in-ocus niya ang kaniyang atensiyon sa kaniyang nobya.
“Parang gusto mo akong tunawin sa mga titig mo, sweetie?” nangingiti pa niyang agaw sa mismong atensiyon ni Ferlyn.
Saka lang ito napakurap-kurap at na-realize ang ginagawa. Napapahiyang nagbawi ito ng tingin at ibinalik iyon sa TV.
Kung alam lang nito kung gaano ito ka-cute sa ginagawa nitong pagtitig sa kaniya. At ang puso niya? Hayon at para bang umaapaw sa tuwa dahil sa nakikitang emosyon sa mga mata nito habang ang buong atensiyon ay nasa kaniya.
At nang mahuli nga niya ito na nakatitig sa kaniya ay hindi nakaligtas sa kaniya ang bahagyang pamumula ng
