HINDI PA RIN nilulubayan ng tingin ni Keigo Mori si Gavin habang abala sa pag-se-serve ng pagkain sa mga taong kumakain ngayon sa Bay View Restaurant.
“Papa, kanina mo pa po tinitingnan si Tito Gavin,” pansin pa kay Keigo ng anak niyang si Keige.
“Don’t mind me, anak. Kumain ka lang diyan.”
Naiiling na nagpatuloy sa pagkain si Keige. Mayamaya pa ay natanawan pa niya si Jamil na mukhang kakain din doon kaya kinawayan niya ito para samahan sila ng kaniyang anak sa table na ukupado nila.
Katulad ni Keigo, nahabol pa ni Jamil ng tingin si Gavin na may dalang tray.
“Ano’ng nakain ni Gavin?” kunot pa ang noo na tanong ni Jamil kay Keigo nang maupo ito sa katapat niyang upuan.
“Sabi niya, nagpapalipas lang daw siya ng oras dito at libre ang serbisyo niya kay Yuji.”
“Really? Ibang klase siy
