MATAPOS mag-lunch ay nag-aya pang manood ng sine si Gavin. Tutal naman daw ay wala na itong gagawin pa para sa hapon na iyon. Ganoon din siya.
“Wala ka bang importanteng trabaho? Weekdays pa lang ngayon para maghayahay ka.”
“Nakalimutan mo yata kung sino ako?” nangingiti pa nitong wika.
Nangingiti namang napairap si Ferlyn. “Oo nga pala. Ikaw nga pala si almighty Gavin Roussel.”
Pinagbuksan siya nito ng pinto sa may passenger side. “Kaya ‘wag mo ng isipin ‘yong trabaho ko kapag magkasama tayo. Hmmm?”
“Fine,” aniya bago sumakay sa loob ng kotse nito. “Thanks,” wika pa niya bago siya na rin ang nagkabit ng seat belt sa kaniyang katawan.
Habang-daan ay tahimik lang si Ferlyn. Iyon ang unang pagkakataon na makakasama niya sa labas si Gavin.
“Saan tayo tutulog mamaya? You choose. Kung sa
