“PAANO ka naman nakakuha ng backup para sa panghaharana mo kanina?” tanong pa ni Ferlyn kay Gavin. Nasa may balkonahe pa rin silang dalawa.
“Nakita ko sila kaninang umaga. Mga naggigitara sa tabing dagat habang namamahinga. Natuwa ako kasi ang gagaling nila. Kahit hindi ko sila kilala, lumapit ako at pinuri sila. Bukod sa magaling tumugtog, may marunong ding kumanta. Ang sarap lang pakinggan ng mga tinutugtog nila. Hanggang sa napakuwento na rin ako. Napunta ang usapan sa panghaharana noong araw. Sa panahon daw kasi ngayon, kakaunti na lang ang gumagawa ng panghaharana. Bigla kitang naisip,” ani Gavin na ngumiti pa sa kaniya. “Kaya sabi ko, may haharanahin ako ngayong gabi. Nagbuluntaryo naman sila na sasamahan ako. Nagulat nga sila na bahay mo ang pinuntahan namin. In return, may free di
