NAGTATALO pa rin ang isipan ni Ferlyn kung sasama na ba siya kay Mang Tonio pabalik sa Alfonso o pagbibigyan si Gavin sa hiling nito na oras para makausap siya?
Bakit ang hirap magdesisyon?
“Ineng?” untag sa kaniya ni Mang Tonio. Mukhang ramdam nito na hindi siya okay kaya ito na ang kusang lumapit sa kaniya para mailayo na siya kay Gavin.
Pero bakit nasasaktan siya sa isiping aalis siya sa Isla Puting Buhangin na hindi man lamang sila nakakapag-usap na dalawa?
May parte siya na gustong mapakinggan ang side nito kung bakit ba ito biglang nanlamig na lamang noon sa kaniya?
Worth it ba na pakinggang ang gusto nitong sabihin sa kaniya?
Sa huli ay nakapagdesisyon din si Ferlyn. Tumingin siya kay Mang Tonio. “Makikihintay lang po muna ako sa bangka, Mang Tonio.”
“Sigurado ka ba na ayaw m
