KAPWA NAKATITIG SI Nikki at Jake nang makaupo. Magkaharap din silang dalawa.
Sinipa ni Nikki ang paa ni Jake na ikinatingin nito sa kan’ya. Umangat lang ang dalawang mata nito. Itinaas niya ang telepono niya para sabihing kumuha rin ng sarili dahil kailangan nilang mag-usap.
“Mabuti naman at nagkasama-sama rin tayo sa wakas, balae.” Bumaling sa kanilang dalawa ang ina ni Jake. Ngumiti ito sa kan’ya. “Bagay talaga sila!” Halata ang kilig sa boses ng ina ni Jake. Ngumiti siya rito.
“I'm sure you two understand why you're here tonight,” pormal na saad ng ama ni Jake.
Sumagot naman ang ama niya, “My daughter is already aware of this, kompare.”
“I think puwede ng i-serve ang pagkain. We are all set,” singit ng ina.
Wala silang nagawa ni Jake kung hindi ang makinig sa mga magulang na nag-
