NAPADAING SI NIKKI nang maramdaman sa pulsuhan ang sakit. Pakiramdam niya nakaposas siya. Iniisip niyang panaginip lang pero masakit talaga kaya napamulat siya ng mata. Liwanag na nagmumula sa kandila ang namulatan niya. Hindi niya maiwasang magtaka. Gusto niyang tampalain ang sarili nang maalala ang huling nangyari sa kan’ya.
“Nasaan ba ako?” aniya sa sarili sabay tingin sa paligid.
Madilim sa ilang bahaging hindi abot ng apat na kandilang nakatirik. Dumaing ulit siya nang igalaw niya ang mga kamay niya. Napapikit siya nang makita ang posas nga.
Natigilan siya nang maalala ang kaibigan ni Sebastian, kinidnap din siya noon at nagising siya sa silid ng binata. Pero ngayon, hindi.
Nasaan ba talaga kasi siya? At bakit siya narito? Sino ang may gawa nito sa kan’ya?
Napapikit siya nang ma
