“ANG GANDA PO ng ngiti niyo, ma’am. Bakit po?”
Napabaling siya kay Cedric na papasok na ng kusina.
“Natatawa lang ako sa pinaggagawa ko,” aniya at pinakita ang pinaghal-halong mashed potato, harina, carrots, spring onion, at carrots para lulutuing miryenda.
Nagpapaturo kasi siya kay Luka magluto sa kabilang linya dahil wala siyang magawa. Hindi siya pumasok ngayon dahil wala siyang pasyente ngayong araw sa clinic pero naghihintay lang siya ng tawag mula sa ospital dahil baka may emergency.
Sumilip si Cedric sa ginagawa niya pero kagaad na pinalis nito ang sarili nang makita si Luka sa kabilang linya.
“Oh, may kausap po pala kayo.”
“Oo. Nagpapaturo kasi ako. Alam mo na, pinagpala kasi ako sa pagluluto,” aniya sabay hagikhik. Sana makuha nitong nagbibiro lang siya.
Natigil siya pagha
