Nanlambot ang tuhod ni Lilith nang makita ang puntod ng kaniyang Tiyahin. Hindi niya alam kung magagalit o iiyak na lamang dahil sa kababuyang ginawa sa puntod.
Sa mismong lapida ang pinakabinuhusan na parte at may mga bakas ng paa sa bandang ibaba na nagpapakita na kay raming beses inapak-apakan ng sinuman.
"Ito ba puntod ng Tita mo?" tanong ng binata na gaya ni Lilith ay nagulantang din sa puntod na nasa kanilang harapan.
Tumango lang si Lilith bilang sagot dahil mistulang walang anumang salita siyang masambit nang mga oras na iyon. Halos mapaluhod siya sa lupa. Kung hindi lang siya nahawakan ni Mav ay baka ganoong nga ang nangyari.
Nasa naapakan ang puntod ng kan'yang Tiya gaya ng ibang naroon ngunit hanggang tuhod ang taas ng nitso niya kumpara sa ibang nasa lupa mismo at lapida l
