Magdamag na naghihilab ang sugat ni Lilith saay gilagid at labi. Masakit din ang buo niyang katawan matapos makipagbuno sa kanila't makipag-agawan ng bag na wala naman ang hinahanap nila sa kaniya.
Putol-putol ang tulog at ilang beses pumihit at nagbago ng puwesto dahil masakit ang magkabilang braso. Hindi siya makatagilid sa kaliwa dahil masakit ang pisnging nasampal at dahil na rin sa sugat.
Bumangon siya ng ala sais. Nasanay na ang katawan niya na bumangon ng ganoon kaaga. Pinilit niyang matulog pa ngunit hindi na niya magawang matulog pa.
Dumiretso na siya sa banyo upang maghilamos. Medyo madilim pa ang paligid at madilim sa loob ng silid niya dahil sa makapal na kurtinang pinili niyang ilagay sa bintana at pangharang sa sliding door. Natatakot kasi siyang baka may makakita sa kan
