"Busog na busog ako."Haplos ni Bilal sa kaniyang tiyan na bahagyang umumbok sa dami niyang nakain.
Takam na takam kasi sa sariwang mga seafoods na kanilang inorder at hindi magkandamayaw sa linamnam ng iba't-ibang klaseng naroon. Kahit ang sweet and sour nilang lapu-lapu ang napakalaki. Hindi na nga nila naubos dahil sa dami. Pinatake-out ni Rowena ang mga iyon para baunin sa camping nila at nagpaluto pa siya ng kanin at mga fingerfoods para may lantakan sila.
Gusto ni Janina mag-ihaw raw ng marshmallows kaya inutusan ni Rowena ang asawa niya na bumili. Isinama niya ang panganay na anak para makausap na rin niya't matanong kung bakit para yatang hindi sila nagpapansinan ni Lilith mula nang dumating.
Nang makaalis sila ay nagpaalam muna ang tour guide. Ipapaayos na niya ang camp site. Sa
