Nilayo na ni Lilith sa kaniyang tainga ang cellphone nang may marinig na isang mahinang beep at nang tignan ang screen ay call ended na ang kaniyang nabasa.
"Loko, pinatayan ako," aniya at binababa na ang cellphone sa may kama.
Tuluyan na siyang bumangon at dumaan muna salamin upang sipatin ang kaniyang repleksyon. Nag-ayos nang kaunti at nang akmang gagawi na siya sa pinto upang bumaba para doon na lamang hintayin ang pag-doorbell ni Mav ay naagaw naman ang kaniyang atensyon ng mahinang kaluskos sa may sliding door sa veranda.
Nahinto siya sa paghakbang at pagbaba. May kurtina sa roon kaya hindi niya nakikita kung ano ang may gawa ng kaluskos. Ilang segundo pa ay sinundan iyon ng ilang pagkatok.
Awtomatiko siyang napangisi dahil alam na niya kung sino ang nasa labas. Mabilis din naman
