“Gumana ka, please. Gumana ka,” paulit-ulit na bigkas ko habang hinihintay na mag-loading ang cellphone.
Nang tuluyan na itong bumukas ay agad kong pinuntahan ang email ni Dendrick. Ang latest received email nito ay mula sa isang hindi ko kilalang pangalan. Isa na naman sigurong alias. Pinindot ko ang message at bumulaga sa akin ang kaparehong pictures na pinadala sa akin ni Angel. Sa huling file ay nandoon ang kontratang pinirmahan ko kay Romanov.
Kinuha ko sa bag ang cellphone at tatawagan na sana si Romanov pero natigilan ko nang maalala ko ang sinabi ko sa kaniya. Nangako akong hindi ko siya kokontakin kung hindi ako buntis. Iyon lang ang makakapagbabalik sa komunikasyon naming dalawa. Kapag tinawagan ko siya ngayon ay parang binigyan ko na siya uli ng karapatang manghimasok sa bu
