Paglabas ko ng comfort room ay nabigla ako sa nadatnan. Naghihintay sa akin sa labas si Romanov. Mula sa cellphone ay pumihit siya papunta sa akin at basta na lang ako hinila sa kamay. Nagpumiglas ako para makalayo sa kaniya pero hindi niya ako binitawan.
“Bitawan mo ako, ano ba? Ano na lang ang sasabihin ng ibang mga tao kapag nakita nila tayo. Romanov, hindi ka ba natatakot na magduda sa iyo ang asawa mo?”
Hindi niya pa rin ako sinagot. Nagpatuloy siya sa paghila sa akin hanggang sa makabalik kami sa opisina nito. Buti na lang talaga at walang tao sa floor. Wala na rin akong panahon para alamin pa kung bakit wala itong secretary. Pagkapasok namin sa loob ay doon pa lang niya ako binitawan. Naupo ito muli sa sofa at parang walang nangyari na humigop sa malamig na kape nito.
“Sit down,
