ROSETTA FLORES
SIGURO ito na yata ang pinakaunang pagkakataon na nakaramdam ako ng galit kay Boss Darion. Hindi ko na kasi napigilan na maurat sa kan'ya dahil kung ano-ano na ang lumalabas sa bibig n'yang hindi na naaayon. Bumuga na lang tuloy ako ng malalim na hininga at bumalik na sa kama ko.
Tinabihan ko na si Roscoe. Mabuti na lang at hindi nagising. Napa-lakas kasi ang boses ko. "Rosetta?" Lumipas ang ilang sandali, tinig naman ni Rocky ang narinig ko kaya napa bangon ako sa pagkakahiga at umupo muna sa kutson. "Hinintay ko lang na lumabas si Boss Darion sa kubo... mukhang nag-talo yata kayo?"
Nagmadali s'yang pumasok sa loob ng kuwarto at umupo sa paanan ng kama.
"Narinig mo ba ang usapan namin?" tanong ko.
"Oo naman, rinig na rinig doon sa kusina at sigurado akong narinig
