LI FAMILY FIRST BRANCH HOUSEHOLD, MAQI KINGDOM
"Sinasabi mo ba na pinadala ng matandang iyon si Dufeng sa Main branch?! Sa Xidi Kingdom!?" galit na pagsisigaw ni Bai Borie dahil sa binalita sa kaniya ng isa niyang tagapagsilbi.
Kaagad naman na tumango ang tagapagsilbing ito dahil sa takot. "Iyon po ang narinig ko sa usap usapan ng mga tagasilbi na malapit kina Master Zu," sagot naman niya.
Kitang kita niya na naging itim ang mga mata ni Bai Borie at naramdaman na lamang ng tagapagsilbing ito na halos hindi na siya makahinga. Nagpupumilit ang tagasilbi na makalabas na sa silid na iyon upang makahanap ng hangin na kaniyang lalanhapin ngunit hindi niya magawang igalaw ang kaniyang mga paa.
Ramdam na ramdam niya na ang titig ni Bai Borie ang siyang dahilan kung bakit hindi siya makahing
