Bawat paggalaw ni Li Xie ay sinusundan ng mga estudyante na nasa klase na kaniyang pinasukan. Hindi nila kilala si Li Xi ngunit ramdam na ramdam nila ang kakaiba sa awra ni Li Xie at talagang naghahanda sila sa maaring gawin ni Li Xie.
Sa paglalakad ni Li Xie patungo sa pinaka-unahan, sa maliit na entablado para sa mga guro ay ramdam ang tensyon. Maging ang mga estudyante sa labas ay hindi na rin magawa pang kumalma dahil sa kanilang nararamdaman. Pakiramdam nila ay parang ano mang oras ay mawawalan na sila nang hininga.
"Sa tingin ninyo mayroon bang nakaaway ang mga nasa unang klase upang magkaroon ng ganitong tao sa klase nila?"
"Hindi naman siguro. Hindi naman sila mahilig makipag-away ng walang dahilan, hindi ba?"
"Hindi rin naman nila ugali ang mangmaliit dahil sila sila rin naman
