REBIRTH SERIES #2: The Divine Doctor

SO, YOU'RE THERE

Walang kaalam alam si Li Xie na isa sa dalawang Imperial Family na nasa Central Market ay si Lin Xui Ying. Dahil doon ay nang matapos siyang makapagpaalam kina Wang Cain, Wang Wei, at Ah Mu na mawawala siya ng limang araw ay umalis na siya ng Central Market.

Walang nakakaalam kung saan ang punta niya dahil wala rin namang nakakaalam kung anong oras siya umalis kundi ang pamilya lamang ni Wang Wei. Wala rin naman nakakaalam kung saan dumaan si Li Xie dahil walang nakakita rito kahit na isa.

Marami ang naghahanap sa kaniya at marami rin naman ang nagtatanong kung nasaan siya kaya naman nang makarating si Lin Xui Ying sa Coffee and Inn Shop nina Li Xie ay kaagad niya narinig ang tungkol dito. Naiinis siya na maraming tao ang gustong makita si Li Xie.

Samantala, si Li Xie naman ay abala sa paglipad gamit ang ginawa niyang spell na hindi na kailangang i-salita. Ang mga mahika sa lugar na kinalalagyan ngayon ni Li Xie ay kailangan munang sabihin ang spell upang gumana ang isang bagay na gustong mangyari ng magic user. Iilan lamang ang may kakayahan na hindi na gumagamit ng spell para maisagawa ang mahika nila.

Alam ni Li Xie na ang mga magic user na may kakayahang lumipad ay siyang may mga matataas na stage at lebel sa mahika kaya naman kung makikita nila si Li Xie na lumilipad na na nasa isang specialty stage pa lamang ay siguro na magkakagulo ang mga tao sa magic tower.

Nang nasa paanan na si Li Xie ng North Mountain at papasok na sana sa North Forest nang makarinig siya ng usapan.

"Tsk, kung hindi lamang napatay ng tagabantay na iyon ang pinaka malakas sa atin siguradong nakapasok na tayo sa pinaka gitna ng gubat at nakuha na natin lahat ng kayaman na naroon!"

"Old Jun, hindi naman na natin kailangan pang mag-alala roon dahil bago pa man makapagpagaling ang tagabantay na iyon ay siguradong mayroon na tayong kasama na mas malakas pa sa kasama natin kanina,"

"May punto ka riyan. Masyadong napuruhan ang tagapagbantay na iyon kaya naman sigurado na matatagalan ang kaniyang pagpapagaling."

Sa umpisa pa lamang ay alam na kaagad ni Li Xie kung sino ang tinutukoy ng dalawang taong sugatan na papalabas ng North Forest. Napayukom na lamang ng kamao si Li Xie dahil sa mga oras na iyon ay alam na ni Li Xie ang dahilan kung bakit hindi siya mapakali at gustong magtungo sa North Forest.

Isa lamang palusot ang pagkuha niya ng mga hamang gamot at ang totoong pakay niya ang makita si Dale. Hindi niya alam ngunit kakaiba talaga ang nararamdaman niya at ngayon ay alam na niya kung bakit.

'You dare to lay your finger on my dear beast, you must be tired of living.'

Nang bigla na lamang lumitaw si Li Xie sa harapan ng dalawang lalaki na nagpapahinga hindi kalayuan sa pinaka bukana ng gubat ay halos mapasigaw sila sa gulat.

"Sino ka!?" sigaw ng isang lalaki na mas maliit sa isa pang lalaki.

Tinitigan ni Li Xie ang dalawang lalaki at nakita niya na parehas sugatan at malala ang tama ng dalawang ito. Hindi tuloy niya maiwasan na hindi mapangisi sa likod ng kaniyang hood.

'Hindi ko akalain na nakaligtas pa ito sa mga atake ni Dale,' sambit ni Li Xie sa kaniyang isipan at walang emosyon na nakatingin sa dalawang lalaki. 'Mukhang malubha talaga ang tama ni Dale dahil hindi niya napuruhan ang dalawang ito,' dagdag naman ni Li Xie sa kaniyang isipan.

"Anong nangyari sa inyo?" tanong ni Li Xie at nagkunwaring walang kaalam alam kahit na narinig na niya ang usapan ng dalawa.

Nagkatinginan naman ang dalawang lalaki at ang matangkad na lalaki ay nagsalita, "Tsk. Yung walang hiyang tagapagbantay ay bigla na lamang kaming inatake! Hindi pa nga kami nakakalapit sa teretoryo niya ay umatake na siya sa amin!"

Halos masuka naman si Li Xie dahil sa alam niya na nagsisinungaling ang dalawang lalaking nasa harapan niya ngunit alam niya na hindi maganda kung makikita ng dalawang lalaking ito ang kaniyang intensyon.

"Baka may ginawa kayo?" takang tanong ni Li Xie.

"Wala kaming ginawa!" sigaw ng maliit na lalaki at nagkunwaring umiyak.

Nagbuntong hininga naman si Li Xie upang ikunwari na wala siyang magagawa. Inilabas niya ang dalawang klase ng kulay puting likido.

"Eto lamang ang healing potion na mayroon ako na binigay sa akin," sambit ni Li Xie.

Kaagad naman na kinuha ito ng dalawang tao at saka ito ininom ng walang pasabi. Kumusa namang ngumiti nang nakakaloko at nakita naman ito ng lalaking matangkad ngunit huli na dahil nainom na rin naman niya ang lahat.

"Ikaw! Ano..."

Hindi na nagawa pang ipagpatuloy ng matangkad na lalaki ang kaniyang sasabihin dahil nahirapan na rin siyang huminga. Nakita rin naman nito ang pagsuka ng dugo ng maliit na lalaki at saka niya muling tininignan si Li Xie.

Gusto niyang magtanong kung bakit niya ito ginagawa ngunit nang makita niya ang marka sa noo ni Li Xie na mala-apoy ay alam na niya kung ano ito.

"Kung hindi sana ninyo ginawan ng masama ang guardian beast ko e 'di sana wala kayong problema sa buhay ninyo," sambit ni Li Xie at kitang kita sa mga maa ni Li Xie ang kulay ng mga mata ng malaking ahas na tagapagbantay ng North Forest.

'Sht! Kung alam ko lang na may kakontrata na ang guardian beast na iyon hindi na sana namin pinahirapan pa ang sarili namin...'

Hanggang sa huli ay pagsisisi na lamang ang nasa mga mata ng matangkad na lalaki. Para sa kaniya, hindi na sana niya pinahirapan pa ang sarili nila dahil maari na lamang nilang pakiusapan ang kakontrata nito. Ngunit hindi, pinakialaman at sinaktan nila ang guardian beast at sinong tao na kakontrata ng isang guardian beast ang matutuwa rito?

Kaagad na kinuha ni Li Xie ang dalawang bote at saka niya kinuha ang isang bote na may kulay berdeng likido. Ibinuhos niya ito sa katawan ng dalawang lalaki at saka naman unti unti na natunaw ang katawan nito hanggang sa wala nang natira.

"Hump! Kasalanan ninyo 'yan!" walang emosyon na sambit ni Li Xie habang nakatingin sa ilang parte ng damit na naiwan sa may lupa.

Hindi na nag-abala pa si Li Xie at kaagad itong tumakbo patungo sa pinaka pusod ng North Forest kung saan inuukupa ni Dale bilang kaniyang teretoryo. Nang makapasok siya sa teretoryo ni Dale ay kaagad niyang naramdaman na hindi maganda ang kalagayan ni Dale. Sinundan niya ang mana ni Dale at saka siya nito dinala sa isang kweba hindi malayo sa lawa na kanilang ginagamit ni Lin Xui Ying.

"Dale?" tawag ni Li Xie sa kaniyang kakontratang guardian beast.

Tanging ungol na lamang ang narinig ni Li XIe kaya naman pumasok siya sa loob ng kweba at nakita niya si Dale na sugatan at nagliliwanag dahil sa pinipilit nitong pagalingin ang kaniyang sarili. Nang makita nito si Li Xie ay kaagad na nagbigay ito ng galit at alertong tunog kaya naman itinaas ni Li Xie ang kaniyang kamay.

"Dale, kalma lang, ako ito." Naglakad papalapit si Li Xie at ilang sandali pa ay umilaw ang kanilang marka.

'Xie...' mahinang tawag ni Dale kay Li Xie at kaagad itong nawalan nang malay.

Nang makita ni Li Xie na kumalma nang kaunti si Dale at ibinaba nito ang kaniyang depensa sa sarili. Napayukom ng kamao si Li Xie dahil nakita niya na hindi lamang isang normal na pinsala ang mayroon kay Dale at mabuti na lamang ay hindi niya pinakawalan ang dalawang lalaki na natira sa eksibisyon na mayroon sila sa North Forest.

"Huwag kang mag-alala, Dale, napatay ko na ang dalawang tao na nakatakas." Niyakap ni Li Xie ang ulo ni Dale. "Tutulungan kita na magpagaling," dagdag nito.

Narinig naman ni Li Xie na may isang aklat na sinabi si Dale sa kaniya at nang hanapin niya iyon ay nakita niya na tungkol iyon sa mga halamang gamot at mga gamit nito. Nakita rin niya na mayroon doong mga halamang gamot na ginagamit upang mapabilis ang paggaling ng sugat.

"Babalik ako, Dale." Hinaplos ni Li Xie ang ulo ni Dale at saka ito lumabas. "Shall I try?" tanong ni Li Xie sa kaniyang sarili.

Ipinikit ni Li Xie ang kaniyang mga mata at saka niya itinaas ang kaniyang palad. Kumuha si Li Xie ng mga mana sa paligid at ginamit niya iyon upang magkaroon ng malaking bilog na mayroong mahika. Kitang kita ito ng lahat na nasa Central Market at naramdaman din naman ito ni Lin Xui Ying.

"So, you're there," sambit ni Lin Xui Ying habang nakatingin sa malaking bilog na nasa gitna ng North Mountain.

Samantala, ginamit naman ni Li Xie ang mga mana sa gitna ng North Forest at saka niya ginamit ito upang gumawa ng malakihang magic barrier kung saan walang ibang makakapasok kung wala niya o ni Dale na pahintulot.