REBIRTH SERIES #2: The Divine Doctor

MAKES ME MISSED YOU MORE

Napabuntong hininga na lamang si Li Xie nang makita niya na paubos na ang mga halamang gamot na kaniyang ginagamit upang gumawa ng potions. Hindi niya akalain na mas malaki pa pala ang gastos niya sa mga halamang gamot na ito kaysa sa mga nakuha niya.

'Should I visit Dale this time?' tanong ni Li Xie sa kaniyang isipan.

Dahil doon ay napagpasyahan na lamang ni Li Xie na ibenta ang lima na healing potions na kaniyang nagawa at tatlong mana recovery potion. Hindi niya magawang gumawa ng marami dahil hindi pa kinakaya ng kaniyang katawan ang paggawa ng marami. Kada dalawang araw ay isa lamang ang kaniyang nagagawa dahil kailangan din naman niya na ikundisyon ang kaniyang sarili.

Hindi man kulang sa pera si Li Xie ngunit dahil gusto niyang makabalik at makapaghigante sa tiyahin niya sa kanilang mansyon ay dapat marami siyang pera. Pera ang kaniyang kailangan dahi sigurado siyang may mga tao siyang dapat na bigyan ng pera upang magtrabaho saniya at kung kukrakutin niya at babaratin ang mga ito ay hindi ito magtatrabaho ng maayos sa kaniya. Higit pa roon, maari rin nilang tangkain na traydorin siya.

Naligo at nag-ayos na si Li Xie ng kaniyang sarili. Gaya ng dati ay kaniyang sinuot ang itim na damit at ang kapa na binigay sa kaniya ni Lin Xui Yiing. Alam ni Li Xie na maari siyang makilala ng mga taong taga imperyo na sinasabi nilang nasa central market ngayon ngunit wala siyang pakialam.

"Miss..." tawag sa kaniya ni Lucas nang makapasok siya. "Mayroon ka po bang potion muli?" Nakangiti nitong tanong.

Kaagad naman na binigay ni Li Xie ang potion kay Lucas at sinabing, "Hindi ako makakapanood sa auction ng gamit ko ngunit babalik ako pakalipas ng limang araw."

Kumunot naman ang noo ni Lucas at kahit na gusto niyang magtanong ay hindi niya magawa. "Huwag kang mag-alala kami na ang bahala sa kikitain mo," sambit naman ni Lucas at ngumiti kay Li Xie.

Tumango naman si Li Xie. "Alam ko na mapagkakatiwalaan kayo kaya naman dito ko ito binebenta," sambit ni Li Xie at saka ito tumalikod. "Babalik ako."

Alam ni Li Xie na gustong malaman ni Lucas kung saan siya pupunta ngunit wala siyang pakialam dito dahil wala naman siyang balak na sabihin kahit kanino kung saan siya papunta. Dahil sa likod na parte siya ng auctio dumaan ay wala gaanong tao ng nakakita sa kaniya.

Samantala, nang makalabas at makalayo naman si Li Xie ay siyang namang biglang dumating ang dalawang tao na elegante at maganda sa matang tingnan. Nakita ito ni Lucas at kaagad siyang tumayo saka naglakad patungo rito at nagbigay ng galang.

"Maari ka nang tumayo," sambit ng lalaki.

"Brother, magtitingin tingin lang muna ako." Nakangiti na sambit ng Prinsesa.

"Huwag kang lalayo masyado at ayusin mo iyang ugali mo wala tayo sa palasyo," pagbibigay naman ng babala ng Prinsipe.

Sa tono pa lamang ng boses ng Prinsipe ay makikita na nito na hindi siya natutuwa sa Prinsesa. Ganoon pa man, bilang isang nakakatandang kapatid ay hinayaan niyang gawin nito ang gusto niyang gawin huwag lamang itong magbigay ng sakit ng ulo sa kaniya.

"Prince Lin Xui Ying, ikinagagalak ko po na makilala ka," sambit ni Lucas at tumango naman sa kaniya si Lin Xui Ying.

Inilibot ni Lin Xui Ying ang kaniyang paningin at napunta ito sa pitong bote na nasa mesa ni Lucas. Kaagad naman na sinundan ni Lucas ng tingin kung saan nakatingin si Lin Xui Ying at nakita niya na nakatingin ito sa pitong potion na nasa mesa niya.

"Ang mga iyan ay?" walang emosyon na tanong ni Lin Xui Ying.

Alam ni Lin Xui Ying na mga potion ito ngunit kailangan niyang makasiguro. Isa pa, kailangan din niya malaman kung saan at kanino ito galing. Ang kaniyang pagkagalak nang makita niya ang potion na iyon at ang natitirang mana na nakapalibot dito ay umaapaw sa puso ni Lin Xui Ying.

Gusto niya makumpirma kung ang mga iyon ba ay galing kay Li XIe.

"Ang mga ito po ay healing potion at mana recovery potion. Ang taong gumawa nito ay tinatawag na Lx o Doctor Lx. Hindi ko pa nakikita ang taong ito dahil palagi na lamang ang tauhan iya ang nagdala nito," sagot naman kaagad ni Lucas.

"Tauhan?" pakukunwariing inosenteng tanong ni Lin Xui Ying.

"Opo. Isang babaeng nakakapa na mayroong nakakatakot na awra. Ang awra na parang kaya kang patayin sa dilim," pagpapaliwanag naman ni Lucas at saka niya inayos ang mga bote na may lamang potion.

Otomatiko namang napangiti si Lin Xui Ying nang marinig niya ang mga iyon. Ang doktor na sinasabi nila na si Lx ay si Li Xie. Ang ibig sabihin ng Lx ay Li Xie. Ang babaeng nakakapa naman ay si Li Xie rin. Alam niya dahil mayroon talagang kung anong awra sa paligid ni Li Xie na nakakatakot dahil pakiramdam ng kahit sino ay maari silang mamatay ng ano mang oras sa dilim.

'Narito ka lang pala, Xie.'

"Nasaan siya ngayon?" tanong naman ni Lin Xui Ying.

Sandali na napatigil si Lucas at saka sinabing, "Hindi ko po alam. Ang sabi niya ay hindi niya mapapanood ang auction kaya naman pinapatabi lamang muna niya ang kikitain niya. Hindi niya sinabi kung saan siya pupunta ngunit sinabi niya na sa loob lamang ng limang araw siya mawawala."

Napakunot naman ang noo ni Lin Xui Ying at kaagad nawala ang galak na kaniyang nararamdaman. Ang akala nya ay makakasama na niyang muli si Li Xie ngunit hindi niya akalain na hindi pa pala ito ang oras para magkasama sila.

'Tsk. Hindi ko tuloy alam kung talagang sinasadya niya.'

"Alam ba ng lahat ng tao rito na darating kami?" tanong ni Lin Xui YIng.

Tumango si Lucas. "Alam nila na may darating na Imperial Prince at Imperial Princess," kaagad na sagot ni Lucas at lumingon kay Lin Xui Ying. "May problema po ba, Prince Lin Xui Ying?"

Kaagad naman na umiling si Lin Xui YIng at inis na lumabas ng auction. Napanganga rin naman si Lucas dahil hindi niya alam kung ano ang nasabi niyang mali.

"Eto," sambit ng isang kawal at inabot ang isang diyamante. "Huwag kang mag-alala ipinabibigay iyan ni Prince Xui Ying."

Wala na rin naman nagawa pa si Lucas kundi ang tanggapin ito.

Samantala si Lin Xui Ying naman ay nagpunta nasa kanilang tutuluyan. Nang makarating sila sa Coffee and inn shop ay kaagad na napakunot ang noo niya. Lalo pa nang makapasok siya dahil kilalang kilala niya ang mga gamit na naroon.

Napangiti na lamang si Lin Xui Ying at hinayaan ang tinatawag na Cain na ihatid sila sa tutulyan nilang silid.

Nang nasa silid na si Lin Xui Ying ay kaagad siyang humiga sa pamilyar na higaan na nasa silid. Sa puntong iyon alam na ni Lin Xui YIng na si Li Xie ang may-ari ng lugar na iyon.

'We missed our time to spend time together this time.' Tumingin si Lin Xui Ying. "These familiar things around me makes me missed you more," bulong naman niya sa kaniyang sarili.