a******y? [2]
1262 Words
'Mas marami palang drama sa mundong ito kaysa doon sa dati naming mundo.'
Napailing na lamang si Li Xie at pinanood ang gagawin ni Aden. Imbis na komprontahin ang dalawa ay pinili ni Aden na manahimik na lamang at umalis sa lugar na iyon na siyang kinagalak naman ni Li Xie. Hindi gusto ni Li Xie ang isang taong agresibo kung saan hindi nag-iisip sa mga maaring mangyari.
'Hell yeah, buti na lamang at hindi siya ganoong klaseng tao.'
Nang makapasok si Aden sa silid ni Huanxi ay nag-asikaso na siya upang punasan ang kaniyang ama. Nang matapos ay napagtanto niya na wala na palang mga damit ang kaniyang ama sa silid na pinaglagyan niya kaya naman napagtanto niya na magpunta sa silid ng kaniyang ama at ng kaniyang pangalawang ina.
"Umalis na rin naman ata si Uncle," sambit ni Aden sa kaniyang sarili.
Nang makarating naman siya sa harapan ng silid ng kaniyang mga magulang ay halos hindi makahinga si Aden sa kaniyang mga naririnig. Ang ungol ng dalawang tao, ang kakaibang pagtawag ng pangalan nila sa isa't isa, inosente man ngunit alam ni Aden ang nangyayari sa loob ng silid na iyon.
Binukasan niya ang pintuan at bumungad sa kaniya ang hubo at hubad na katawan ng kaniyang ikalawang ina at ng kaniyang tiyuhin. Kaagad naman napahiwalay ang dalawa dahil sa gulat at hindi rin naman alam ni Aden ang kaniyang gagawin sa kaniyang nakita.
"Uncle... Mother Jin..."
"Aden... ano... hindi iyon ang iniisip mo..."
Akma na sanang hahawakan ni Jin ang kamay ni Aden ngunit natumba ito dahil sa panghihina ng kaniyang tuhod. Namula naman sa hiya si Jin at hindi niya akalain na manghihina ang tuhod niya dahil lamang sa kaniyang pakikipagtalik.
"Aden, siguro naman matanda ka na upang malaman ang mga ganitong bagay." Matalim na tiningnan ng kaniyang tiyuhin si Aden.
"Kaya ba?" tanong ni Aden at hindi naman din kaagad naintindihan ng dalawa ang ibig sabihin ni Aden. "Kaya ba gusto ninyong patayin ang akin ama?" pagtatapos ni Aden sa tanong niya.
Kaagad na kinakitaan ng takot ang mukha ni Jin at pagkagulat naman sa mukha ng kaniyang tiyuhin. Ganoon pa man, agad na nakabawi ang tiyuhin ni Aden at saka ito kumuha ng kutsilyo at saka tumakbo patungo kay Aden.
Bago pa man na masaktan si Aden ay kaagad na pumagitna si Li Xie na may hawak na dagger.
"Oy, oy, hindi ka ba natatakot sa parusa na makukuha mo? Seryoso ka ba? Sarili mong pamangkin papatayin mo?"
Kaagad na napaatras ang tiyuhin ni Aden at saka naman nagkunwaring nagsambit ng mahika si Li Xie at nagkaroon ng matibay na kulay puti na kasing nipis ng sinulid na pumulupot sa tiyuhin ni Aden. Ganoon din naman ang ginawa ni Li Xie sa pangalawang ina ni Aden.
"Miss Muxie..." tawag ni Aden.
"Bakit? Anong problema?" Taas kilay na tanong ni Li Xie.
Namumula naman na napa-iwas ng tingin si Aden at napataas ng kilay si Li Xie. Doon ay napagtanto niya na naka hubo at hubad ang dalawang tao.
"Oh, ito ba? Huwag kang mag-alala sanay na ako makakita ng ganiyan. Isa pa, may mapapangasawa na ako kaya handa na ako sa ganitong bagay," kaagad na sambit ni Li Xie.
Bilang isang doktor, normal na talaga sa kanila ang makakita ng iba't ibang klase ng maseselang bahagi ng lalaki. Para kay Li Xie, wala pa ring tatalo sa maselang bahagi ni Lin Xui Ying.
Nang sumagi naman sa isipan ni Li Xie ang araw at gabi na pinagsaluhan nilang dalawa ni Lin Xui Ying ay otomatiko na namula ang kaniyang mukha. Hindi niya akalain na sa oras na iyon pa niya maalala ang ganoong bagay.
Tumikhim naman si Li Xie at tumingin sa dalawang tao na nakatali. Samantala, si Aden naman ay hindi makapaniwala na ang babaeng hinahangaan niya ay mayroon na palang lalaki na nakalaan. Gustuhin man niya na umamin ngunit sa pinapakitang reaksyon sa kaniya ni Li Xie ay hindi niya magawa.
'Wala pa nga akong sinasabi at hindi pa nga ako nakakaamin pinapakita na niya kaagad na wala akong pag-asa.'
Ngumiti na lamang si Aden na hindi nakikita ng tatlong tao na nasa kaniyang harapan. Tumalikod ito at nagtawag ng kung sino sa labas.
Maraming kaibigan si Huanxi at sa dami nito ay hindi na mabilang pa ni Aden kung ilan ang tumulong sa kaniya upang mawala ang kaniyang ikalawang ina at ang kaniyang tiyuhin sa kanilang pamamahay. Hindi naman din maiwasan ng mga taong ito na hindi mag-alala at maawa kay kay Aden dahil mga nangyayari sa kaniyang pamilya.
"Aden, kung may kailangan ka magsabi ka lang, ha?"
"Oo nga, huwag kang mahihiya."
"Masyado nang maraming natulong ang iyong ama sa amin. Panahon na para kami naman ang tumulong sa kaniya."
Marami pang tao ang gustong tumulong at wala naman nang nagawa si Aden kundi ang magpasalamat sa kanila.
Nang makabalik naman si Aden sa silid kung saan naroon ang kaniyang ama ay nakita niya na may sulat na nakagay roon. Nang basahin niya iyon ay kaagad siyang lumabas at hinanap si Lx ngunit hindi niya makita.
Aden,
Maraming salamat sa pagtitiwala mo. Lahat ng mga paghihirap ninyong mag-ama ay nakarating sa akin mula kay Muxie. Salamat sa pagtatanggol sa akin at dahil diyan gusto kong ipaalam sa iyo na ano mang oras ay magigising na ang iyong ama.
Lx.
Napabuntong hininga na lamang si Aden at saka ito pumasok sa loob at bumalik sa tabi ng kaniyang ama. Nang buksan niya ang pino sa silid ng kaniyang ama ay halos hindi na niya nakayanan nang makita niya ang lalaki na nakahilata sa isang higaan. Ang dati na nakahilata at walang malay ay ngayon nakangiting nakatingin sa kaniya.
"Ama!" bulalas ni Aden.
Samantala, si Li Xie naman ay nag-iwan lamang ng sulat ngunit hindi talaga ito umalis. Nang makita niya na umalis na si Aden upang habulin si Li Xie ay kaagad naman na dumilat ang mga mata ni Huanxi.
Nang makita iyon ni Li Xie ay lumapit siya at saka sinabing, "Kung hindi ka pa nagising siguradong maghihirap ang anak mo."
Hindi naman magawang magsalita ni Huanxi kaya naman itinaas ni Li Xie ang kaniyang kamay upang pigilan itong magsalita.
"Sa ngayon hindi ka pa makakapagsalita at makakagalaw. Kakagising mo lamang galing sa mahabang pagkahimlay at kailangan mo pa nang pahinga. Iyan ang sabi ni Doctor Lx sa akin na dapat ko raw sabihin sa 'yo." Tinitigan ni Li Xie ang mga mata ni Huanxi at binasa ang sasabihin nito. "Kapag maayos na ang pakiramdam mo maaari mo akong hanapin sa lugar ni Wang Cain. Ang kaniyang bagong negosyo ay hindi mahirap hanapin kaya makikita mo iyon kaagad. Marami akong gustong itanong kaso na riyan na siya," sambit ni Li Xie at tumingin sa pinto.
Nang lumingon naman si Huanxi sa pinto ay kaagad niyang nakita ang kaniyang anak. Otomatiko naman siyang napangiti dahil nakita niyang walang masamang nangyari sa kaniyang nag-iisang anak habang kasama nito ang taong gustong mamatay siya.
Nang binalik ni Huanxi ang tingin niya sa kung saan nakatayo si Li Xie ay hindi na niya ito makita kaya naman kaagad na kumalampag ang kaba sa kaniyang dibdib.
'Buti na lang talaga at hindi ako kasing tanga ni Ace para kalabanin ang babang iyon. Hindi lamang siya isang babae, dahil babae siya. Lahat ng babae ay hindi lamang isang babae.'
"Ama? May problema ba?" tanong ni Aden at umiling naman si Huanxi.
'Wala akong problema.'
Gusto man niyang sabihin iyon ngunit hindi pa niya magawa kaya naman upang hindi mag-alala ang kaniyang anak ay umiling siya saka ngumiti.
- Writer
