a******y? [1]
1148 Words
Napamulat ng mga mata si Li Xie nang marinig niya na may kumakatok sa kanyang pinto at nang buksan niya ito ay nakita niya ang isa sa kanilang mga tauhan sa coffee shop.
"Miss Muxie, mayroon pong naghahanap sa 'yo," sambit nito.
"Sino raw?"
"'Yung lalaki po na tinawag na Aden noong babaeng nanggulo rito kanina."
Kumunot naman ang noo ni Li Xie dahil doon. "Hmm? Ano raw ang dahilan?" tanong ni Li Xie at naglakad naman siya papasok at iniwan na nakabukas ang pinto.
Hindi naman pumasok ang lalaki at hinintay lamang si Li Xie sa labas ng kaniyang silid.
"Hindi ko rin po alam. Wala naman siyang sinabi basta ang sabi lamang niya na gusto ka niya makausap," kaagad na sagot ng lalaki.
Hindi naman kaagad na nagsalita si Li Xie ngunit ilang sandali pa ay lumabas na siya at kaagad naman na sumunod sa kaniya ang lalaki. Nang makababa silang dalawa sa unang palapag ay kaagad na nagpunta ang lalaki sa kaniyang pwesto at kaagad din naman nagpunta si Li Xie sa lalaki na naghihintay sa kaniya.
"Anong problema, Aden?" tanong ni Li Xie nang makalapit siya.
Wala nang pasabi si Li Xie at naupo na lamang siya kaagad sa pang-isahang sofa sa harapan ni Aden.
"Hindi ko alam kung paano nangyari pero sa tingin ko naghahana ang ikalawa kong ina ng paraan para maalis ang magic barrier na nilagay ni Doctor Lx," kaagad na sambit ni Aden.
Kumunto naman ang noo ni Li Xie at saka niya pinakiramdaman ang barrier na inilagay niya sa silid ni Huanxi. Totoo nga, mayroong nagtatangka na sumira noon.
"Kung ako sa 'yo ay uuwi na ako," kaagad na sambit ni Li Xie. "Huwag kang mag-alala dahil nakasunod lamang ako sa iyo.
Tumango naman Aden at saka ito umalis. Nang makaalis naman si Aden ay kaagad na nag-order si Li Xie at saka naman siya naupo sa isang sulok. Iniisip ni Li Xie kung bakit hindi niya naramdaman ang pagtatangka na pagsira sa kaniyang barrier.
"Humihina na ba ako?" Kunot na noo na sambit ni Li Xie at saka niya pinakiramdaman ang kaniyang magic core.
'Mukhang hindi naman ako nanghihina. Baka talagang malakas ang taong sumusubok?' takang tanong ni Li Xie sakaniyang isipan.
Nang maubos ni Li Xie ang kaniyang binili na hot coffee latte ay kaagad siyang bumalik sa kaniyang silid at nagpalit ng damit niya. Nang matapos naman ay kaagad siyang palihim na umalis sa gusali ni Wang Cain at saka siya nagpunta sa kung saan nakatira si Huanxi.
Nang makarating siya sa bahay nito ay palihim na pumasok si Li Xie at pinakiramdaman ni Li Xie ang paligid. Mayroon siyang limang tao na naramdaman sa buong bahay. Ang dalawa ay magkasama sa loob ng isang silid na mayroong magic barrier at alam ni Li Xie na sina Aden at Huanxi ito. Ang tatlo naman ay nasa iisang silid din at mukhang nag-uusap usap. Isang babae at dalawang lalaki.
'Hmm?'
Dahil sa kuryusidad ay nagpunta si Li Xie patungo sa silid kung saan naroon ang tatlong tao at pinakinggan niay ang usapan ng tatlo.
"Sir, hindi mo po ba talaga maiaalis ang nasa silid ng asawa ko?" tanong ng isang babae.
"Hindi, ipagpaumanhin. Hindi ko maialis dahil bago lamang ang ganitong klase ng mahika at hindi pa ito napag-aaralan. Kilala ba ninyo kung sino ang may gawa nito?" tanong ng magic user na nasa silid kasama ng dalawang tao.
"Hindi namin alam kung sino talaga siya dahil ang anak ni Huanxi ang nakakakilala roon. Pero ang sabi ni Aden ang pangalan noon ay Lx. Doctor Lx ang tawag niya," kaagad na sagot ng isang lalaking boses.
"Hmm? Doctor? Isang doktor ang may gawa noon?" Kunot noo na tanong ng magic user.
Tumango naman ang babae at lalaki. "Oo, isang magic user din ang doktor na iyon," kaagad na sagot ng babae.
Hindi naman kaagad nakapagsalita ang lalaking magic user na binayaran ng pangalawang ina ni Aden at ng tiyuhin nito at nang magsalita ito ay tanging babala lamang ang sinabi nito.
"Kung ako sa inyo iiwasan ko na maging kaaway ang taong ito," sambit ng lalaking magic user, tumayo ito habang hawak hawak ang kaniyang dala dala. "Hindi ko alam kung anong ginawa ninyo at nilagyan niya ng magic barrier ang silid ng asawa mo pero ito lamang ang masasabi ko..." tumigil sandali ang lalaking magic user at nag-umpisa na maglakad palabas ng silid. Bago pa man makalabas ay nilingon niya muna ang dalawa niyang kliyente. "Hindi ninyo kakayanin kung magiging kalaban ninyo ang taong iyon. Iilan lamang ang mga doktor na isang magic user at ang mga taong nagiging doktor na magic user ay karaniwang mayroong healing magic. Alam naman siguro ninyo kung gaano kaimportante ang mga healing magic user sa imperyo, hindi ba?"
Hindi naman nakapagsalita ang dalawa at hinayaan at tinignan na lamang nila na makalayo ang magic user na kanilang binayaran upang tanggalin ang barrier. Ngayog nalaman nila ang ganoong impormasyon ay nagdadalawang isip na sila ngunit hindi naman nila pwedeng hayaan na mabuhay pa si Huanxi dahil alam nila na manganganib lamang ang kanilang buhay kung gagaling pa ito.
"Ano na ang gagawin natin?" nag-aalalang tanong ni Jin, ang pangalawang asawa ni Huanxi at pangalawang ina ni Aden.
"Huwag kang mag-alala hindi pa rin ako papayag na mabuhay ang kapatid kong iyon. Hindi rin ako papayag na hindi siya makipaghiwalay sa 'yo." Niyakap ng kapatid ni Huanxi si Jin at saka nito hinalikan ang tuktok ng ulo ni Jin.
Sa hindi kalayuan ay nakakumo ang mga kamao ni Aden nang marinig niya ang sinabi ng kaniyang tiyuhin. Hindi nito akalain na ang kinakatakutan niyang mangyari ay siyang katotohanan sa pagkakataon na iyon. Hindi niya akalain na ng taong tumuring sa kaniya na parang isang tunay at sariling anak ay siya palang may kagustuhan na mamatay ang kaniyang tunay na ama.
'Hindi ko maintidihan... bakit nila ginagawa ito?... mahal ba nila ang isa't isa? Bakit hindi na lamang niya sabihin kay ama ito?'
Tumulo na lamang ang mga luha ni Aden habang kitang kita sa mga mata nito ang galit, pagkabigla, kalungkutan, at pagkadismaya. Galit siya na hindi man lang magawa ng kaniyang ikalawang ina at ng kaniyang tiyuhin na sabihin na lamang sa kaniyagn ama ang tungkol sa relasyon nila. Hindii alam ni Aden kung bakit kailangan pang magplano ang dalawa nang pagpatay sa kaniyang ama. Pagkabigla at pagkadismaya dahil ang tao na akala nya na siyang magmamahal sa kaniya at sa kaniyang pamilya ay sila palang gustong sumira rito. Kalungkutan para sa kaniyang ama.
'Ano na ang gagawin ko?'
Sa kabilang banda naman ay nakatitig lamang si Li Xie na nanonood. Hindi naramdaman ng magic user ang kaniyang presensya at alam naman na ni Li Xie na iyon ang mangyayari. Kung si Lin Xui Ying nga ay hindi siya nagawang maramdaman noon, ito pa kayang hindi naman ganoon kalakas sa kaniya.
- Writer
