A NIGHT TOGETHER [1]
1307 Words
Dalawang araw na nang makabalik si Li Xie sa Central Market at nang malaman niya na katabi lamang ng kaniyang silid ang silid ni Lin Xui Ying ay hindi na siya bumalik muna. Sinabi niya kina Wang Cain na hindi muna siya babalik dahil may aasikasuhin lamang siyang mahalaga.
Pinagpapawisan naman sina Wang Cain, Ah Mu, at Wang Wei nang ipatawag silang tatlo ni Lin Xui Ying sa kaniyang silid. Hindi nila alam kung bakit at wala rin naman silang matandaan na may ginawa silang hindi maganda at kahit na alam nila na wala silang ginawa ay hindi pa rin naman nila maiwasan ang hindi kabahan.
“Prinsipe Xui Ying…” nanginginig na sambit ni Wang Cain nang makapasok silang pamilya sa kwarto ni Lin Xui Ying.
“Maupo kayo,” sambit ni Lin Xui Ying.
Hindi naman alam nina Wang Cain kung ano ang kanilang gagawin at hindi rin nila alam kung dapat lang ba talaga na sundin ang ginawa sinabi ng prinsipe.
'Hindi ko alam kung bakit pero pakiramdam ko talaga may nagawa talaga kaming hindi maganda,’ nag-aalala na sambit ni Wang Cain sa kaniyang isipan.
Hindi pa sana sila uupo nang tingna sila ng seryoso ni Lin Xui Ying kaya naman wala silang nagawa kundi ang umupo gaya nang sinabi sa kanila.
"Huwag kayong mag-alala dahil wala naman akong gagawin," sambit ni Lin Xui Ying at tiningnan ang dalawa. "Mayroon lamang akong ilang katanungan,"
"Um, Prinsipe Xu Ying? Ano pong itatanong mo?" lakas loob na tanong ni Wang Cain.
Hinawakan naman ni Ah Mu ang nanginginig na kamay ni Wang Wei upang pakalmahin ito. Hindi ito napansin ni Wang Cain dahil sa nakatutok ang kaniyang atensyon kay Lin Xui Ying. Ganoon pa man, napansin ito ni Lin Xui Ying kaya naman ibinaba niya ang tasa na hawak niya.
"Ang taong nagbigay nitong mga gamit na ito, nasaan siya?"
Sandali naman na napatigil sina Wang Cain at Ah Mu dahil sa biglaang tanong ni Lin Xui Ying.
"Gu-gusto mo po ba na bumili ng ganitong higaan?" nanginginig na tanong ni Ah Mu.
Umiling si Lin XUi Ying. "Ang tao na nagbigay sa iyo ng mga gamit na ito pati na rin ng mga kape sa unang palapag, nasaan siya? Gusto ko siyang makita."
"Hindi po namin alam," sambit ni Wang Cain at saka ito seryoso na tumitig kay Li Xui Ying. "Dalawang araw na simula noong huli siyang magtungo rito. Isa pa, bago siya bumalik dalawang araw na ang nakalipas ay nawala siya ng limang araw," paliwanag naman ni Wang Cain.
Sandali naman na napakunot ang noo ni Lin Xui Ying at napatitig kay Wang Wei. "Balita ko ay malapit ka sa kaniya," tanong ni Lin Xui Ying kay Wang Wei.
Napa-ayos naman nang upo si Wang Wei at tumango ng kaunti. "Pero hindi ko po alam kung nasaan siya ngayon. Ang sabi lamang niya sa akin na hindi muna siya mananatili sa Central Market at may aasikasuhin daw muna siyang importante."
"Sinabi ba niya kung ano iyon?" Umiling naman si Wang Wei bilang sagot sa tanong ni Lin Xui Ying. "Okay, maari na kayong makaalis."
Nang makalabas at makababa sa ika-unang palapag ang pamilya ni Wang Cain ay kaagad silang napahinga ng maluwag. Samantala, si Wang Wei naman ay napasalampak sa sahig dahil sa nanghihina ang kaniyang tuhod dahil sa takot.
Hindi na naman pinapagtrabaho pa ni Ah Mu si Wang Wei at pinagpahinga na lamang niya ito.
Nang makaalis naman sina Wang Cain at ang pamilya nito sa silid ay napasandal na lamang si Lin Xui Ying sa sandalan ng sofa at napahilot ng kaniyang sintido. Hindi niya magawang kumalma dahil alam niya na iniiwasan siya ni Li Xie.
'Alam mo na narito ako pero pinipili mo na magtago? Mas mahalaga ba iyan kaysa sa akin, ha? Xie?'
Napakagat na lamang ng kaniyang ibabang labi si Lin Xui Ying upang kumalma. Ipinikit niya ang kaniyang mga mata ngunit ilang sandali pa ay mayroong malakas na kumakatok sa kaniyang pintuan.
"Brother Xui Ying! Brother Xui Ying!"
Napabuntong hininga na lamang si Lin Xui Ying nang marinig niya ang boses ng ika-anim na Prinsesa ng Imperyo. Kung hindi sa kagustuhan ng kanilang Mother Empress ay walang balak na isama ni Lin Xui YIng si Lin Ai Ying dahil sa ugali nito. Hindi sila pinanganak sa magkaparehas na nanay ngunit alam ng nanay ni Lin Ai Ying na malapit ang nanay ni Lin Xui Ying sa Empress kaya naman ipinangalan niya ito kasunod ng pangalan ni Lin Xui YIng na siya namang kinaiinisan ni Lin Xui Ying.
Inis na binukasan ni Lin Xui Ying ang kaniyang pinto at nakita niya ang itsura ni Lin Ai Ying. Hindi man lang niya magawang sumimpatya rito dahil alam niya na may nangyari dahil sa ugali ng kapatid niya.
"Ai Ying, anong problema?"
Umirap naman si Lin Ai Ying at saka sinabing, "Brother Xui Ying, sabihin mo hindi mo ba nakikita?! Brother ipaghiganti mo ako! May mga bandido kaming nakasalubong nang pauwi kami rito-"
"Lin Ai Ying, bakit ko naman gagawin iyan?" nagulat naman si Lin Ai Ying sa pagbibigay sa kaniya ni Lin Xui YIng ng salitang iyo. "Alam mo na delikado at binalaan na kita ngunit anong ginawa mo? Sinunod mo pa rin ang gusto mo. Tapos ngayon sasabihin mo sa akin iyan? Hindi ka pa rin ba natututo?"
"Brother-"
"Ayoko marinig ang mga palusot mo. Pumasok ka sa iyong silid at huwag lumabas. Nang dahil sa iyo ay nabawasan ang mga kawal na kasama natin kaya marapat na sundin mo ang gusto kong mangyari, naiintindihan mo ba? Kung ako ay iyong sasawayin ay wala na akong pakialam kung ano pang mangyari sa iyo," pagbibigay naman ni Lin Xui Ying nang babala kay Lin Ai Ying.
Isinara naman ni Lin Xui Ying ang kaniyang pinto at saka siya humiga sa kaniyang higaan. Paligid lamang siya ng ligid dahil sa naaalala niya ang mga araw na pinagsamahan nilang dalawa ni Li Xie.
Samantala, galit naman na pumasok si Lin Ai Ying sa kaniyang silid.
"Sht! Kung hindi lang dahil sa sinabi sa akin ni ina hindi ako magiging malapit sa iyo!" galit na sambit ni Lin Ai YIng at saka siya dumeretso sa paliguan. "Kung hindi ko matatanggal ang mag sugat na ito sisiguraduhin ko na mapaparusahan ka!" inis na dagdag ni Lin Ai Ying.
Iminulat naman ni Lin Xui YIng ang kaniyang mata nang maramdaman niya ang hindi magandang tingin sa kaniya. Napatingin naman si Lin Xui YIng sa dereksyon ng silid ni Lin Ai Ying at saka ito ngumiti.
'Hindi mo alam ang kakayahan ko ngunit nakuha mo pa rin akong bigyan ng ganiyang tingin? Lin Ai Ying, hanggang saan aabot iyang pakikipagsabawtan ninyo kay Lin Jun?'
SA DULO NG CENTRAL MARKET
Napabuntong hininga na lamang si Li Xie nang mabigo siyang makahanap ng isang magandang lupa na pagtataniman ng kape. Hindi niya malaman kung ang may problema ba ang mundo na kinatatayuan niya ngayon o sadyang hindi lang talaga niya pwedeng ilabas ang mga kapeng pwedeng itanim dahil sa ibang mundo iyon.
Napabuntong hininga na lamang si Li Xie at napagpasyahang bumalik na lamang sa lugar nina Wang Cain upang doon na lamang magpahinga.
Gabi na nang matapos siya sa paghahanap at bago pa man siya makalagpas sa isang eskinita ay may narinig siyang usapan.
"Ipagpaumanhin po Miss.."
"Hump! Miss? Hindi mo ba ako kilala? Hinihingi ko lang naman na ibigay mo sa akin iyang mana stone mo!"
"Pero miss.... dadalhin ko ito sa auction house..."
"Pwede kita bayaran. Magkano ba?"
"Miss... hindi po sa akin-"
"Hawakan ninyo ang lalaking iyan! Kunin at ibigay ninyo sa akin ang hawak niyang mana stone! Ireregalo ko iyan kay brother Xui YIng!"
Kumunot naman ang noo ni Li Xie. Kaagad siyang naglagay ng mataas na pader sa pagitan ng mga kawal na nagdadalawang isip at sa matandan nagmamakaawa.
- Writer
