Ilang beses niyang nakita ang lalaking sinasabi sa kaniya ng kaniyang espiya kay Bai Borie at ilang beses din nitong sinubukan na magtanong tanong tungkol kay Miss X, Muxie, pati na rin kay Lx.
'Heh~ pinaghihinalaan ba niya na iisa lamang ang mga taong iyon? Okay, sige, iisa lamang sila. Ang tanong, mapapatunayan ba niya?' sambit ni Li Xie habang nakatingin siya sa lalaki na naghahanap sa kaniya mula sa ikalawang palapag ng kaniyang kinakainan.
"Miss Li Xie?" tawag ng isang tao.
Kaagad naman siyang lumingon at nang makita naman niya ang itsura nito ay kaagad na lumabas at nakita niya sa kaniyang memorya kung sino ang taong ito. Ang babaeng walang ibang ginawa kundi ang ipagtanggol ang dating Li Xie, samahan sa kaniyang paghihirapan at noong mga panahon na dinukot siya ay talagang naghan
