Kaagad na kumalat ang bali-balita tungkol sa pagiging desperada ni Bai Borie nang magpunta ito sa plaza.
"Tapos kung makapagsalita pa siya akala niya ay pagmamay-ari niya ang Divine Doctor,"
"Hindi lang iyon, inuutusan pa niya ang Divine Doctor!"
"Buti na lang talaga at hindi basta basta nasisilaw ang Divine Doctor sa pera,"
"Bakit at papaano naman siya masisilaw kung meron naman siya noon? Gaya nga nang sinabi ng Divine Doctor, hindi siya salat sa pera,"
"Tama. Talagang si Miss Bai Borie lamang ang problema. Mabuti na lamang at hindi pinaalis ng Divine Doctor ang mga noble dahil sa inasta ni Miss Bai Borie."
Samu't saring mga usapan ang nalabas sa mga bibig ng mga commoner at mga noble. Dahil gabi na nang matapos ang buong pagtingin ni Li Xie sa mga pasyente ay naging usap usa
