Hindi pa man sumasapit ang bukang liwayway ay nasa harapan na kaagad ng mansyon ng mga Li sa Maqi Kingdom sina Li Hu, Li Merna, at Qin Fan. May iilang mga tao na nakakakita sa kanila at nagugulat kapag nakikilala sila. Si Li Merna at Li Hu ang isa sa mga pillar ngayon ng mga Li bukod kay Li Xie pagdating sa mahika kaya naman hindi ito basta basta umuuwi ng mansyon. Ganoon pa man, kilala pa rin naman sila ng mga tao sa labas ng mansyon.
Samantala sila Li Hu naman ay ramdam na ramdam nila ang kakaibang pakiramdam mula sa harapan ng tarangkahan ng kanilang mansyon.
"Bakit pakiramdam ko magkakasakit ako kapag pumasok ako?" hindi sinasadyang sabihin ni Li Merna habang nakatingin sa tuktok ng kanilang tarangkahan.
"Is this because of what she said?" nagtatakang tanong naman ni Qin Fan at magi
