REBIRTH SERIES #2: The Divine Doctor

RECIEVING GRACE FROM THE GUARDIAN BEAST [2]

Sandali naman na napatigil si Dale at tumingin sa kaniyang master. Doon ay napagtanto ni Dale na mayroong pinaghahandaan ang kaniyang master kaya naman itinuro niya ang isang parte ng kweba gamit ang kaniyang buntot.

'Sa maliit na butas na iyan may mga bagay akong nilagay riyan,' sambit ni Dale at tumingin siya kay Li Xie. 'HIndi ko na nga lang magawang pumasok diyan dahil sa katawan ko pero ikaw pwede pa. Maari mong kunin ang mga gusto mong kunin o kaya naman ubusin mo na dahil wala na rin naman akong paggagamitan diyan,' sambit pa ni Dale.

Tumayo si Li Xie at saka ito pumunta sa isang butas na hindi kalayuan sa kanila. Sinilip niya ito ngunit hindi niya makita ang dulo nito kaya naman nilingon niyang muli si Dale. Nang makita naman niya na nakapikit si Dale at walang balak na magpaliwanag ay bumuntong hininga na lamang si Li Xie at saka niya hinanda ang sarili niya.

"Dale, sigugrado ka ba?" tanong ni Li Xie at nilingon niyang muli si Dale.

'Sigurado ako. Ngayong nakakontrata ako sa iyo, lahat ng akin ay sa 'yo na rin.'

"Pero hindi ko gusto na kunin ang mga bagay na..."

'Master Xie, hindi rin naman akin ang mga iyan,' kaagad na pagpuputol ni Dale at saka niya binalik ang kaniyang sarili sa pagpikit at pagpapahinga.

Bumuntong hininga si Li Xie at saka na siya naghanda na pumasok. Para siyang nasa padulasan dahil sa dulas ng butas na ito at kung bibilangin ay nasa trenta segudo rin ang kaniyang pagpapadulas hanggang sa makarating siya sa pinaka dulo.

"Aaah!! Damn it, Daleeee!" sigaw ni Li Xie.

Hindi niya akalain na nasa pinaka tuktok pala ang dulo ng lagusan na iyon at malalaglag siya limang metro ang taas. Mabuti na lamang ay kaagad na nagamit ni Li Xie ang kaniyang 'float' kung hindi ay masama ang bagsak niya.

"Ugh!"

Kaagad na napahawak naman si Li Xie nang bumaba siya galing sa pagkakalutang dahil nawalan siya ng balanse sa kaniyang natapakan.

"Light," bigkas ni Li Xie at nagkaroon ng isang malaking bola sa kaniyang uluhan na naglabas ng liwanag.

Hindi naman maiwasan ni Li Xie ang hindi mapanganga sa kaniyang nakita. Limang bundok ng mga ginto, alahas, iba't ibang uri ng bato, mga magagandang dekorasyon, mga magagandang sandata at iba pa.

"Uh? Nasaan ako?" wala sa sarili na bigkas ni Li Xie.

Alam niya na mayroong mga kayamanan si Dale ngunit hindi naman niya akalain na ganito karami! Dahil doon ay inilibot ni Li Xie ang kaniyang paningin at saka pinili ang iilang bagay. Mayroon siyang siyam na kinuhang bato na may kulay na berde, dilaw, asul, at pula. Ang mga ito ay mayroong mana at sa mga kulay pa lamang ay alam na ni Li Xie na ang mga mana na nasa loob nito ay mga pangunahing elemento.

"Magkano kaya ito kung ibebenta ko?" tanong ni Li Xie.

Nagkibit balikat nalamang muna siya at saka naman niya muling inikot ang kaniyang paningin. Sa hindi kalayuan, mayroong isang mahaba na kulay pilak na hawakan at ang tuktok nito ay may bilog at mayroong walang kulay na bato.

'Ying...'

Kinuha ito ni Li Xie at saka siya napangiti dahil alam niya na babagay ito kay Lin Xui Ying. Nakakuha pa ng limang bato si Li Xie kaya naman ang kaniyang mga bato ay labing apat na. Limang pula para sa apoy na elemento, tatlong dilaw para sa hangin, tatlong berde para sa lupa, at tatlo ring asul para sa tubig.

Bukod pa rito ay may nakita rin siyang dalawang qi technique na aklat, isang pulseras na mayroong mana sa loob na kayang magligtas ng isang tao sa tatlong beses, at isang kwintas na mayroong mana na maaring gamitin na pangtakas.

"Dale! Paano makalabas?!" sigaw ni Li Xie.

'Master, hindi kalayuan sa kinatatayuan mo may malapit na lagusan. Maari mo itong gamitin,' sambit ni Dale mula sa kaniyang isipan.

Inikot naman ni Li Xie ang kaniyang paningin bago pa man niya mamataan ang lagusan ay nakita niya na mayroong isang aklat doon na may nakasulat sa pinaka unahan na 'Mystic gate'.

Dahil sa kaniyang kuryusidad ay kinuha rin niya ito at saka na hinanap ang lagusan na sinasabi ni Dale. Halos mapamura naman din si Li Xie nang makapasok siya rito dahil kailangan niyang gumapang upang makaakyat pang muli. Kaya naman ginamit na lamang niya ang float upang hindi na siya mahirapan.

"Dale, wala ka man lang sinabi na pahirapan pala ang pagbalik dito!" kaagad na reklamo ni Li Xie. Nang tingnan naman ni Li Xie si Dale ay nakita niya na parang nakangisi ito. "Wow, may gana pang ngumisi. Pinagtitripan mo ba ako?"

"Ano pa bang aasahan mo sa akin, Master Xie? Isa akong ahas na patungo nang dragon, wala ka talagang makikitang ibang lagusan kundi pang ahas lamang," sagot naman ni Dale.

Naupo si Li Xie sa tabi ni Dale at inilabas ang kaniyang mga kinuha. Nang makita naman ito ni Dale ay kaagad siyang nagreklamo dahil sa marami pang mas maganda at mas kaaya aya sa mga kayamanan niya ngunit kakaunti lang at hindi pa masyado mapapakinabangan ang kinuha ng kaniyang Master.

"Huwag ka nang magreklamo. Magpasalamat ka na lamang at hindi ako gahamang tao," walang gana na sambit ni Li Xie. "Isa pa, kung mas maganda pa sa mga ito ang kukunin ko ano naman ang idadahilan ko sa auction house, 'di ba?"

'May mga ginto roon, Master Xie. Bakit hindi mo kinuha kung kailangan mo pala?'

"Gusto ko ang pinaghihirapan ko,"

'Master, hindi mo pinaghirapan ang mga bagay na iyan,' kaagad na paninira ni Dale.

"Kung makapagsalita ka ah. Master mo ba talaga ako? Contractual Guardian Beast ba talaga kita, ha?" Taas kilay na sambit ni Li Xie.

Marahan naman na natawa si Li Xie at saka niya sinaayos ang mga bagay na hiningi niya kay Dale.

Nang dumating ang panglimang araw ay kumuha nang muli si Li Xie ng mga halamang gamot bago nagpaalam kay Dale. Hindi dumaan sa tamang daanan si Li Xie dahil alam niya na maraming tao sa paligid nito dahil sa kaniyang ginawang magic barrier. Iba ito sa magic barrier na ginawa niya sa silid ni Huanxi dahil ang magic barrier na nasa North Forest ay kung sino man ang magpumilit ay babalik lamang sa kanila ang mga atake nila.

Sinabi na ito ni Li Xie kay Dale at pinakiusapan niya si Dale na huwag na munang maggagalaw at magpahinga na lamang muna para mas mabawi niya ang kaniyang lakas. Wala rin naman sa posisyon si Dale na magreklamo dahil unang una sa lahat, master na niya ang nagsabi. Pangalawa, wala talaga siyang balak na gumalaw galaw muna dahil ramdam pa niya ang p*******t ng kaniyang katawan.

'Master Xie, kapag ako naging isang tunay ng dragon, sisiguraduhin ko na ililigtas kita sa ano mang oras.'

Pabalik na sa Central Market si Li Xie nang may masalubong siyang isang karwahe.

"Saan ang punta ninyo?" tanong ni Li Xie na nakasuot ng kapa at hindi kita ang kaniyang mukha.

"Mayroon kasing kakaibang magic barrier na lumabas sa North Mountain sa gitna ng North Forest kaya naman tutungo kami roon," sambit ng isang tao na nakasakay sa kabayo.

"Magic barrier?" painosenteng tanong ni Li Xie.

"Manong, umalis na tayo. Bakit ba tumigil kayo para lamang kausapin ang isang walang kaalam alam na tao?" matinis na sambit ng isang babaeng boses mula sa loob ng karwahe.

Hindi na lamang ito pinansin pa ni Li Xie at saka naman siya lumipad. Napanganga naman ang lalaking kawal na nakaupo sa kabayo at kumatok sa bintana ng karwahe.

"Ano iyon?" inis na tanong ng babae na nasa loob.

"Princess, ang taong nagtanong kanina... isa siyang magic user at kaya niyang lumipad!" bulalas ng kawal na nakakita.

Kaagad naman na kumunot ang noo ng babae na tinawag na Princess at saka siya nakaramdam ng kaba. Napakagat naman siya ng labi ngunit kinalma pa rin niya ang kaniyang sarili.

'Hindi ko kailangan na matakot dahil alam ko na hindi rin naman niya ako magagalaw. Hump! Isa akong Imperial Princess!'

"Ano ngayon? Halika na at magpatuloy tayo sa paglalakbay patungo sa North Moutain," sambit ng Prinsesa.

Napabuntong hininga na lamang ang kawal na nag-ulat sa Prinsesa at saka niya ito hinayaan.

'Princess, kung ipagpapatuloy mo ang ugali na iyan, siguradong maaga kang mawawalan ng buhay kahit na pinoprotektahan ka pa ng iyon ina.' sambit ng kawal na nag-ulat sa kaniya.