"MABUTI naman at natunton mo itong lugar namin, Micah," magiliw na wika ng Nanay Rebecca ni Samuel Junior nang makauwi na sila sa bahay ng mga ito.
Totoong hindi naman daw malala ang tama nito dahil daplis lang ayon sa doctor kaya pinayagang makalabas agad. Pero pagdating nila sa bahay ay pinagpahinga muna ito ng ina kaya kasalukuyan itong tulog. Lalo na at mahigit dalawang buwan na wala itong maayos na pahinga habang nasa misyon. Kaya pala ang laki ng ibinagsak ng katawan ni Samuel Junior nang makita niya ito kanina.
Ayaw pa nga sana nitong matulog dahil ayaw siyang iwanan at ganoon din sina Xia at Xandra. Pero sinamahan na lang ito ni Micah hanggang sa nakatulog kaya napapayag na rin nila.
Kagaya nga nang sinabi noon ng kaniyang nobyo, tunay nga na mabait ang mga magulang at kapati
