"MOMMY!" tuwang-tuwa na salubong nina Xia at Xandra kay Micah nang sa wakas ay nakauwi na sila nang ligtas ni Samuel Junior.
May mga nadaanan silang kalsada na medyo malalim pa ang tubig. Ilang beses nga na tumirik ang kanilang sasakyan. Pero mabuti na lang at magaling ang nobyo niya kaya nakauwi pa rin sila nang maayos. Kaya nga lalo siyang bumilib at na-in love kay Samuel Junior.
"Hello, mga baby ko. Na-miss n'yo ba ang Mommy?" tanong ni Micah at saka sinugod nang mahigpit ang dalawang bata.
"Of course, Mom. Ang tagal n'yo po kasing umuwi, eh," naglalambing na saad ni Xia na bakas talaga sa mukha ang matinding pagka-miss sa kaniya. "Pero okay lang po. At least, safe kayo. Kasi po malakas talaga ang ulan at hangin. Marami nga po akong classmate na nalubog sa baha ang bahay nila, Mommy
