SAMANTHA’S POV
NAGISING ako ng madaling araw para magtimpla ng gatas ni Baby Ellie. Pero naubusan na pala siya ng tubig kaya lumabas muna ako sandali at bumaba para kumuha. Nagulat pa ako ng pagdating ko sa kusina ay naabutan ko si Cherry Mae na may kausap sa cellphone. Nabigla rin siya sa presensiya ko kaya agad niyang pinatay ang tawag.
“Bakit gising ka ba? Inaabangan mo ba ang asawa ko?” nang-uuyam na tanong niya agad sa akin nang magkaharap kaming dalawa.
Sa halip na mainis ay natawa na lang ako. “Bilib din talaga ako sa sobrang kapal ng face mo, Cherry Mae. Kung maka-‘asawa’ ka sa asawa ko parang tunay, ah. Feel na feel, huh?” Natawa ako nang pagak. “Baka nakalimutan mong dalawa lang tayo ngayon at wala si Carlos kaya hindi mo na kailangan pang magpanggap.”
Kahit malamlam lang ang
