"Hey, are you with us? Maryusep ka naman, Pare. Nandito nga sa amin ang katawang lupa mo ngunit wala naman ang kaluluwa mo." Tinapik ni Allick Francisco ang binata sa balikat. Kausap nila ito pero hindi sumasagot iyon pala'y wala sa sarili.
"Heh! Anong akala mo sa akin patay na, upang may kaluluwang gumagala?" pabirong angil ni Brian pero totoo namang wala siya sa kundisyon.
"Sus, Parekoy, pati bulbol mo'y kilala na namin kaya't huwag kami ang pinagluluko mo. May problema ka ano?" panggagatong pa ni Franklin na agad ding sinundan ni OC.
"Ang sabihin ninyo napipilitan lang siyang bumaba ng barko para sa binyag ng mga babies ni Pareng AF. Why? Naku, baka nakapunla na iyan kaya't ayaw iwan ang pinunlahan." Nakangisi nitong kinarga ang isa sa sanggol dahil nakaamba ang kamao ng marino.
Kay
