Kasalukuyan kong chini-check ang mga gamit na dadalhin ko sa beach, at habang ginagawa ko ‘yon ay hindi ko mapigilang maisip si Logan dahil sobrang naasiwa talaga ako sa kanya dahil iba siya kung makatingin sa akin at kung anu-ano ang sinasabi niya. Hindi naman ako tanga at manhid para hindi maitindihan ang ipinapahiwatig niya. Alam kong pinopormahan niya ako. Hindi ko lang alam kung seryoso ba siya o pinagtitripan niya lang ako, pero kung ano man ang rason niya, wala na akong pakialam doon.
Makakasira sa pagpapanggap namin ni Mr. Muller ang ginagawa niya, at hindi ko ‘yon pwedeng hayaang mangyari. Ang layo na nang inabot namin. Ang dami nang nasakripisyo para lang sa pagpapanggap na ito, kaya hindi ko na hahayaan pang hindi ito magtagumpay. Gustong-gusto ko nang matapos ito at nang makal
