Hindi ko alam kung dadalawin pa ba ako ng antok ngayon. Katulad kagabi, kanina pa ako nakahiga pero mukhang tuluyan nang nagtampo ang antok sa akin at nilayasan na ako.
Buong akala ko, pag-uwi ko kanina mula sa Verizon ay makakabawi ako ng puyat ko nang nagdaang gabi. Hindi pala. Dahil heto ako, dilat na dilat na naman. Nag-iisip na naman ng panibagong problema. Ilan pa kayang problema ang darating sa buhay ko? Eto ba ang kapalit ng trahedyang ako rin ang may gawa?
Pilit kong ikinalma ang isip ko. Kapag dalawang araw akong halos walang tulog baka kung ano pa ang mangyari sa akin. Walang pwedeng magkasakit sa aming tatlong magkakapatid sa mga panahon na ‘to. Hindi na pwedeng madagdagan pa ang mga problemang paisa-isang dumarating.
Nakailang palit na ako ng posisyon at puwesto, pero wa
