"Okay ka lang po ba kuya? Inom ka po ulit ng tubig, panaginip lang po iyon, huwag na po kayong mag-alala." wika niya dito.
Napansin niya ang pagkabalisa nito dahil sa panaginip na iyon parang alalang-alala ito sa mga magulang na sinasabi nito.
"S-Si Mommy at si D-Daddy kailangan nila ako," muling turan nito, habol-habol pa niya ang paghinga.
"Ang Mommy at Daddy ninyo kuya? Akala ko ba sabi ninyo sa akin na patay na sila." kunot noong tanong niya dito pero mas nangingibabaw pa rin ang pagka-concern niya dlito.
"Ha? Ah eh, oo nga pala. Pasensya na nakalimutan ko, nawala sa isip ko. Para kasing totoong-totoo yung panaginip ko pasensya na Janine. Teka anong oras na nga pala." wika nito sa kanya na tampal pa ang sariling noo tsaka nagtanong kung anong oras na.
"Malapit na pong mag 2am
