“SIR KIERAN, mayroon po kayong bisita. Dumating po si Sir Zayne.
“Si Zayne?” ulit pa ni Kieran sa kawaksi na sinadya pa siya sa kaniyang silid.
Doon muna siya dumiretso matapos nilang manggaling ni Ahtisa sa ubasan. Ang dalaga naman ay nasa silid nito. At ang ubas na nakuha ni Mang Oscar ay ipinalagay muna ni Ahtisa sa ref. Mamaya daw nito iyon kakainin. Mahigpit naman niyang binilinan ang mga kasambahay na ‘wag na ‘wag papakialamanan ang naturang ubas dahil napakaimportante niyon at hindi puwedeng kainin ng iba.
Bilin din niya na ‘wag iyong isasama sa ubas na binili sa palengke.
“Sige ho, bababa na rin ako,” sabi pa niya sa kawaksi bago iyon nagmamadali ng lumabas sa kaniyang silid.
Katatapos lang niyang maligo at mamaya naman ay haharap siyang muli sa mga tauhang nakilahok sa paghah
