NAGTAPOS sa dinner sa isang high end restaurant ang date nilang iyon ni Kieran. Sa mismong hotel na kanilang pinag-stay-an, naroon din ang restaurant na kanilang kinainan ng dinner.
Matapos ang isang mainit nilang tagpo kanina sa hotel suite ay magkayakap pa silang nakatulog ni Kieran. Nag-alarm lang sila ng before eight para makapaghanda sa kanilang dinner date.
“Ang bilis ng oras,” wika pa ni Ahtisa habang sakay na ulit sila ng kotse ni Kieran.
“Ganoon talaga kapag masaya ka sa taong kasama mo.”
Napangiti siya sa sinabing iyon ni Kieran. At may banat pa talaga ito. Ganoon pa man, totoo naman ang sinasabi nito. Palibhasa, masyadong masaya ang maghapong iyon para sa kanilang dalawa kaya parang kay bilis lang lumipas ng maghapon. Heto nga at pauwi na sila.
“Ewan ko na lang talaga kung
