“‘WAG KANG mawawala sa birthday party ni Kieran, hija,” nakangiti pang bilin kay Ahtisa ng ina ni Kieran bago sila tuluyang umalis sa bahay ng mga ito. “Pinaghandaan ‘yong ng husto ni Papa,” tukoy nito kay Don Aurelio.
“Kasama po ni Ahtisa ang lola niya,” inporma naman ni Kieran sa ina nito. “Sabay-sabay rin ho kaming pupunta bukas sa San Roque.”
“Mabuti naman kung ganoon. Then, kitakits sa San Roque,” muli ay nakangiting wika ni Thess kay Ahtisa.
May ngiti naman sa labi na tumango siya. “Sige po.”
Masaya ang puso ni Ahtisa nang umalis sila sa bahay ng mga magulang ni Kieran dahil sa magandang approach ng mga ito sa kaniya. Magiliw ang ina nito sa kaniya. Mabait din ang ama nito at mga kapatid na napagkamalan din siyang girlfriend ng Kuya ng mga ito.
May malalim na namamagitan sa kani
