SA TUWING napapadaan si Kieran sa palagi niyang pinaghihintayan kay Maria, hindi niya maiwasan na hindi huminto roon minsan at maghintay. Kahit na alam naman niya na walang darating. Palaging ang tingin niya, nasa may kalsada. Nagbabakasakaling mayroong dadaan na tricycle at sakay ito.
Noong unang linggo, ayos lang si Kieran. Ngunit nang lumipas na ang dalawang linggo mahigit at wala pa ring Maria ang nagpapakita sa kaniya, doon na siya nainip.
Nainis na naman si Kieran sa kaniyang sarili dahil noong nagkakasama pa sila ni Maria, hindi na naman siya naglakas-loob na alamin kung saan ang bahay nito. Palagi kasing bilin ni Maria na huwag na huwag siyang susunod sa pag-uwi nito at baka malintikan ito ng ama nito.
Sa susunod talaga na magkita sila, hindi na niya ito susundin. Bahala ng maga
