“ANO’NG mayroon dito, Kieran?”
Napalingon si Kieran nang marinig niya ang tinig ng kaniyang Lolo Aurelio. Nakita niya itong papalapit sa kaniyang kinauupuan.
“Narinig kong aligaga ang mga tauhan natin dito sa ubasan ngayon. Ano’ng mayroon?” muli ay tanong pa nito nang makalapit sa kaniya.
Kaagad namang binigyan ng mauupuan ang kaniyang lolo. Naupo ito sa camping chair na kulay itim.
Sasabihin ba niya na dahil iyon kay Ahtisa?
“May pinahahanap lang po ako sa mga tauhan natin.”
Kumunot ang noo nito. “Na ano?”
“Ubas na puwede na hong kainin.”
“Ubas na puwede ng kainin?” ulit pa nito sa kaniyang sinabi. “Mayroon bang makikitang ganoon ngayon diyan sa ubasan?”
“Titingnan po.”
“Pero bakit bigla-bigla naman ay nagpapahanap ka ng hinog na ubas?”
Paano ba niya iyon sasabihin sa kaniyang
