"Ano'ng sabi ng bayaw mo, anak?" agad na tanong ni Xander sa anak nang naibaba ang telepono.
"Nasa operating room na raw si bunso, Daddy," tugon nito kasabay nang pag-upo sa tabi nilang mag-asawa.
"Ang taong iyon ay hindi man ipinahalata ang dinaramdam. Taunan silang umuuwi ni Enrico ngunit puro bungisngis ang ipinapakita niya. Kahit sintomas man lang sana ay wala. Ngayon ay mukhang... Ay, teka lang, anak. Ano raw pala ang nangyari?" saad din ni Ginang Mayla.
"Metastatic brain tumors, Mommy. Alam n'yo naman po siguro na ang tumor na iyan ay walang sintomas na nagpapakita. Maliban na lamang kung nasa huling stage na ito. Ang maganda lamang ay naagapan kaysa naman mauwi sa mas malalang sitwasyon," paliwanag ni Timothy.
Sa pahayag ng anak nila ay natahimik si Ginang Mayla. Dahil ang binan
